Usafi wa Mazingira

IDARA YA MAZINGIRA

Idara ya Usafi na mazingira ni miongoni mwa Idara 13 katika Halmashauri ya Wilaya ya Kaliua. Majukumu ya Idara ni kusimamia utunzaji/uhifadhi wa mazingira na usimamizi wa sheria zilizopo na udhibiti wa uchafuzi wa azingira(Ardhi, maji,hewa na sauti, kusimamia ukusanyaji na usafirishaji wa taka ngumu.)

HIFADHI YA MAZINGIRA  

• Halmashauri ya Wilaya ya Kaliua inamtabua kuwa jukumu la utunzaji wa mazingira ni wajibu wa kila mwananchi  kwani mazingira ni muhimu kwa maisha ya binadamu na viumbe vyote . Kwa kuona umuhimu wa hifadhi ya mazingira Idara  kwa kushirikiana na  idara  ya maliasili na kilimo imepanda miti  1,132,095 kwa kipindi cha 2016/2017. Zoezi hili kwa kuwa ni endelevu idara inaendelea na usimamizi wa bustani ya halmashuri na vikundi mbalimbali vinavyootesha miti kwa ajili ya hifadhi ya azingira.
• Kuelimisha jamii juu ya upandaji wa miti na kuitunza.
• Kusimamia utekelezaji wa sera, sheria na miongozo ya kulinda mazingira
• Kuamdaa taarifa ya hali ya mazingira
• Kudhibiti shughuli za binadamu  zinazoweza kuleta uharibifu katika mazingira ya vyanzo vya maji.
• Kuhamasisha matumizi ya nishati mbadala pamoja na majiko banifu. Kwa kaliua tayari kuna vijana wanaozalisha mkaa kwa kutumia maganda ya karanga, pumba za mpunga na takataka zingine. Mradi huu umelenga kupunguza suala la ukataji holela wa miti kwa ajili ya mkaa.
• Kuandaa na kufuatilia utekelezaji wa mipango ya Halmashauri ya usimamizi wa mazingira kwa kuzingatia mpango kazi wa Taifa wa Hifadhi na usimamizi wa mazingira.
• Kuandaa na kutekeleza miradi mbalimbali kuhusu usimamizi wa mazingira

UDHIBITI WA UCHAFUZI WA MAZINGIRA (Ardhi, maji, hewa, na sauti)

• Kuweka na kusimamia sheria za udhibiti wa uchafuzi wa mazingira
• Kuelimisha jamii kuhusu njia bora za kuthibiti uchafuzi wa mazingira
• Kufuatilia na kutathmini athari za uchafuzi wa mazingira katika viwanda, makazi, migodi, ujenzi, biashara, kilimo na ufugaji.
• Kuweka miongozo ya kupunguza athari za uchafuzi wa hewa ya ndani ya makazi (in-door pollution) inayosababishwa na shughuli mbalimbali kama vile matumizi ya nishati ya kuni na uchomaji wa madini ya zebaki.
• UDHIBITI TAKA NGUMU
• Kusimamia ukusanyaji, uzoaji na usafirishaji wa taka ngumu
• Kusimamia usafi katika mitaro na maeneo ya wazi
• Kuweka vyombo vya kuhifadhia taka ngumu katika maeneo yote ya umma.
• Kuainisha na kutenga maeneo kwa ajili ya ujenzi wa dampo za kisasa.
• Kutoa amri za kuzuia utupaji ovyo wa taka wa aina zote katika fukwe, maeneo ya wazi, mito na mifereji ya maji ya mvua.
• Kusimamia na kutekeleza maagizo ya viongozi kuhusu usafi wa mazingira.
• TATHMINI YA ATHARI YA MAZINGIRA.
• Kufuatilia utelezaji wa utaratibu wa tathmini ya ardhi kwa mazingira
• Kufuatilia utekelezaji wa mpango na masharti ya tathmini ya athari kiwa mazingira kwa kila mradi uliofanyiwa tathmini hiyo.
• Kusimamia uandaaji wa mapitio ya tathmini ya Athari kwa mazingira kwa miradi yote inayoanzishwa katika wilaya

MIONGOZO NA SERA MBALIMBALI INAYOTUMIWA NA IDARA

• Sheria ya usimamizi wa mazingira NA.2O YA 2004
• Sheria ya  Mazingira ya mwaka 1997
• Sheria ya Afya ya jamii ya mwaka 2009
• Sheria, sera na miongozo yote inayohusu utunzaji wa vyanzo vya maji, ardhi, misitu na maliasili.
• Sheria ya madini ya mwaka 2010.
• Sheria, sera na miongozo mbalimbali inayohusu serikali za mtaa.