Idara ya Mipango,Takwimu na ufuatiliaji ni moja ya idara za halmashauri ya wilaya ya Kaliua.Idara hii inajumuisha watumishi wa kada za uchumi, maafisa mipango na watakwimu.
Idara hii ina majukumu yafuatayo;
Kuunganisha na kuhakiki hatua za upangaji wa mipango ya maendeleo kwa ajili ya kuboresha huduma za kiuchumi na kijamii kwa kuzingatia sera za kitaifa.
Kuratibu waandaaji wa mipango na bajeti ya mwaka ya halmashauri ya wilaya kwa kuzingatia miongozo inayotolewa na serikali.
Kuratibu uandaaji wa taarifa mbalimbali za utekelezaji wa miradi ya maendeleo kwa kipindi cha robo, mwaka, nusu mwaka na mwaka na kuziwasilisha kwa wadau.
Kusimamia, kufuatilia na kutathmini utekelezaji wa miradi ya maendeleo na kutoa ushauri pale unapohitajika.
